Beauty Queen

Punt: 4/5

Moenie 90 minute van beeldskone, slanke dames, wat met hul peperduur spykerhakke op mekaar se perfek gepedikuurde voete trap, vir ’n goedkoop kroon verwag  nie.

Eerder illustreer Martin McDonald se Beauty Queen die verhouding tussen moeder en kind. Nie die geromantiseerde weergawe wat al so holrug gery is nie, maar die  donker, disfunksionele verwantskap wat tussen ma en dogter kan ontstaan.

Hugo Taljaard het hierdie Ierse stuk puik vertaal/verwerk en sodoende verpak vir ’n tipiese Afrikaanse gehoor.

Maureen is ’n ongelukkige en eensame 40-jarige, wat voltyds na haar bejaarde ma, wat nie net  manipulerend is nie, maar ook aan hipikondria ly, moet kyk. Hulle lewenswyse is ietwat geïsoleerd, een van die faktore wat tot die ontwikkeling van ’n ongesonde, mede-afhanklike, masochistiese verhouding lei.

Later stel iemand tog belang in die oujongnooi, maar die ma doen alles in haar vermoë om die verhouding stop te sit. Die ma se aksies het fatale nagevolge.

Met Marga van Rooy (beter bekend as Worsie van Vetkoekpaleis se ma), Hanli Rolfes (Binneland se Sonja), Duncan Johnson (Egoli faam) en Denver Vraagom (Erfsondes), wat Anelisa Phewa (Sifiso in 7de Laan) vervang het.

Hierdie vier sepiesterre het hulle goed van hul taak op die verhoog gekwyt. Al die rolle is geloofwaardig uitgevoer. Tog moet daar spesiale erkenning gegee word aan Marga van Rooy, wat haar karakter so oortuigend uitbeeld dat die gehoor se gevoelens teenoor haar wissel tussen liefe en haat, binne sekondes.

Verder is daar niks spesiaal omtrent Hoërskool Stellenbosch se skoolsaal nie, waar die vertoning afgespeel het nie. Maar die verhoog is in ’n geloofwaardige oudtydse kombuis verander. Tussen deur die spel hoor mens duidelik hoe die ketel kook, of hoe die water by die kraan uitloop. Al die klein detail kleur die storie in.  

Die ouderdomsbeperking van 10 moet egter verhoog word. Die geweld en sekstonele is te eksplisiet vir kinders onder 13.

Dit is werklik die kyk werd. Jy sal vaniut jou maag lag en dan skielik jou oë met jou hande bedek, maar soos ’n stout kind deur jou vingers loer, want al wil jy, sal nie jou oë van die verhoog kan hou nie.

Indien jy Beauty Queen by hierdie jaar se Woordfees gemis het, kan jy steeds vanaf 29 Maart tot 1 April dit by hierdie jaar se Klein Karoo Nasionale Kunstefees (KKNK) sein.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s