Liefde wen!

 “Mamma, wensbeentjies en gebed werk nie”, sê ’n mismoedige sesjarige Iske pront-uit, “want ek wens en bid heeltyd dat ek ’n perd wil word, maar dit gebeur nie”, verduidelik sy begriploos.

Haar ma, Izbeth, dink toe vinnig op haar voete en antwoord liefdevol: “Dit is omdat ek bid dat ek steeds ’n dogtertjie het”. Kort daarna word die parmantige, jong Iske vir perderylesse gestuur, sodat sy tog sou aanhou om te bid en in die krag van hoop sou glo.

Iske dink anders. Iske sien dinge anders as gewone mense (sy is mos ’n superhero, maar ons kom later daar). Haar naam is anders en interessant.

God dank sy was maar ’n skamele 2.4kg by geboorte, anders sou haar pa nie geuiter het nie dat dat die tradisionele naam, “Elizabeth Catherina”, te lank en te gewigtig is vir so ’n klein baba.

Kan jy jou nou ’n Elizabeth Catherina met ’n stukkie pienk gekleurde hare voorstel? Boonop vertel sy nog heel ernstig vir jong kinders dat hierdie onnatuurlike gekleurde bossie (wat common op enigiemand anders sou lyk)’n bewyse van haar bonatuurlike magte is. Wanneer hulle huiwer om haar te glo sê sy, “Dit is dalk beter so, want dan is die kanse kleiner dat haar identiteit deur baddies ontmasker sal word.”

Haar superpowers sou nooit wees om “kleinighede” te onthou of om blitsvinng skoon te maak nie, alhoewel sy soms “skoonmaak giere twee-uur in die oggend kry”. Sy is bietjie “verstrooid, maar op ’n oulike manier” se een van haar woonstelmaats.

Iske is die een wat sal vergeet om die geezer af te sit en versuim om elektrisiteit op haar beurt te koop. Sy sal ’n bad tap, 30 minute later daarvan onthou, en teen daardie tyd  is die water al koud en is daar geen warm water vir die res van die huis nie.

“Ek dink nie haar bed was al ooit opgemaak nie”, skerts haar woonstelmaat, Renette. “Sy vlieg altyd by die huis uit, maar terselfdertyd verlaat sy nooit die huis voordat sy nie haar  Bybel gelees het nie.”

Trotse ma’s en woonstelmaats met te veel tyd op hul hande, praat maklik oor geliefdes, maar dit weet ons.

Tog, as jy nou wil hê iemand moet deeglik oor hulself praat, veral iemand so beskeie soos Iske, sluit hulle toe in ’n tweedehandse blou Jetta vir ’n uur of so. Enige kar of beknopte spasie sal seker doen, maar daars iets spesiaals aan Iske se “scruffy” erfporsie, wat vanaf 2010 duisende kilometers gery het.

Ons gesprek begin en einde by God. Hoe gepas, want Hy is haar Alfa en Omega. Hierdie dame, wat soveel passie vir God het, woon nie kerk by nie. “Te veel keer is kerklike mense en hulle kulture gross en skynheilig. Dit is asof hulle die heeltyd probeer om vir God se genade te werk”, verduidelik sy.  

“Hulle doen al hierdie goed net sodat hulle hulself op die skouer kan pat”. Sy illustreer dit deur vyf keer hoër en sagter as normaal te praat en kap dan speels teen haar skouer en sê: “Hoor hier, jy doen nou wat God wil hê jy moet doen”.

“As ek ’n kerk kon stig sou dit wees met mense wat regtig lief is vir God. Mense wat hulself kan wees en nie op Sondae verander nie. Ons kan op Woensdae vergader en wyn op die gras gaan drink. En die wat nie wyn wil drink nie. hoef nie wyn te drink nie.”  

Sy is nie skaam om te sê dat sy die heeltyd haar geloof heroorweeg. Maar al twywel sy hoe baie is daar iets binne haar, wat sy nie heeltemaal kan beskryf nie.

In graad-8 was dinge “rosy en airy fairy”, dit was maklik om God te prys. Net die jaar daarna sterf haar pa. “Toe maak niks meer sin nie en toe is God nou nie meer so wonderlik nie”. Vir ’n oomblik is dit nie meer ‘n twenty-something dame wat voor my sit nie, maar ’n weerlose tiener-Iske wat na my staar. 

Dan ruk sy haar haarself reg en vertel hoe God nuwe hoop in haar hart gesit het. “Ek het agtergekom hoe my pa se liefde my lewe verander het. Toe hy gelewe het, en na die tyd ook. Amper asof hy nog hier is omdat hy my so liefgehad het”. “Verstaaan jy?”, lag-huil-vra sy.

Iske steel nie. Om Modern Family op minder-wettige maniere te download is die uitsondering tot die reël. Sonder om te huiwer sê sy dat Modern Family so “awesome en realistis” is. Hierdie reeks beeld onder andere verskeie ontradisionele gesinstrukture uit. Daar is ’n pouse toe ek vra wat sy van homoseksuele verhoudings dink. “Ek weet nie”, sug sy. Dit is dudelik dat sy vir die eerste keer in ons gesprek verdeeld is.

Sy dink byt haar lip en dink so bietjie. “Ek dink dis in elk geval stupid om iemand anders te hanteer. Of ek nou dink dit is reg of verkeerd, want ek doen elke dag iets verkeerd”.  

“So jy dink hulle doen verkeerd?”, is my opvolgvraag natuurlik.

“Ek dink ek doen”, sê sy, “want dit staan so in die Bybel”.

Hierdie kragtige stelling word vinnig gevolg deur, “maar dan wil ek ook nie myself assosieer met hoe mense in godsdienstige kringe homoseksualiteit hanteer nie”.

Haar onsekerheid is maar van korte duur. Sy verduidelik hoe aan die einde van die dag alles maar net gaan oor onvoorwaardelike liefde.

Sy het my nooit vertel wat haar gunsteling Bybelvers is nie, maar ek raai sommer dit is 1 Korinthiers 13: “En nou: geloof, hoop en liefde bly, hierdie drie. En die grootste hiervan is die liefde!”.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s